Mərkəzi Seçki Komissiyasının (MSK) Binəqədi rayonu ərazisində yeni tikilmiş binası istifadəyə verilib. MSK-nın mətbuat xidmətindən APA-ya verilən məlumata görə, bu gün prezident İlham Əliyev yeni inzibati binanın açılışında iştirak edib. Prezident açılışı bildirən qırmızı lenti kəsib və bina ilə yaxından tanış olub.MSK-dan verilən məlumata görə, milli eklektika üslubunda inşa olunmuş doqquzmərtəbəli binada komissiya üzvlərinin və əməkdaşların fəaliyyəti üçün hər cür şərait yaradılıb. Hündürlüyü 39 metr olan binanın ümumi tikinti sahəsi 9600 kvadratmetrdir. Binada xidməti otaqlarla yanaşı, kitabxana, arxiv, konfrans və müşavirə zalları, “Seçkilər” İnformasiya Mərkəzi, seçki məntəqələrindəki veb-kameralara nəzarət mərkəzi, yeməkxana və digər yardımçı otaqlar var. Binada müasir işıqlandırma, havalandırma, yanğından mühafizə, rabitə, videomüşahidə sistemləri quraşdırılıb, ətrafda abadlıq və yaşıllaşdırma işləri aparılıb. Bina ilə tanış olan prezident MSK-nın kollektivini təbrik edib, tövsiyələrini verib.Qurumun mətbuat xidmətinin rəhbəri Azər Sarıyev yaxın günlərdə MSK və MSK-nın nəznində Seçkilər İnformasiya Mərkəzinin yeni binaya köçəcəyini bildirib./525/