Bakının Səbayel rayonu ərazisindəki seçki məntəqələrində oktyabırn 15 - də keçirilən prezident seçkisi zamanı bir neçə qanun pozuntusu aşkar olnub. Bu barədə çərşənbə günü TrendNews - a Seçki Müşahidəçiləri Beynəlxalq Şəbəkəsinin (World Net of Election Observers) nümayəndəsi Nikolay Meyner bildirib.

Meynerin sözlərinə görə, 8, 12 və 30 saylı məntəqələrdə bütün prezidentliyə namizədlər üzrə detallı informasiya yoxdur, səsvermə zamanı seçki komissiyaları üzvlərinin müdaxiləsi müşahidə olunur. «Seçicinin latın qrafikalı yazını başa düşməməsi faktı oldu və komissiya üzvləri ona kömək etməyə cəhd göstərdilər. Halbuki, onların buna hüququ yoxdur», - deyə Mayner bildirib.

Onun sözlərinə görə, seçicilərin barmaqlarının mürəkkəblə boyanması prosesində pozuntu müşahidə olunub. «Biz bir çox seçicilərin səs verməli olduqları məntəqəyə getməməsinin şahidi olduq. Ola bilsin ki, onlara düzgün məlumat verilməyib», - deyə o bildirib. /Trend/