|
"Seçki Məcəlləsinin 8.2-ci maddəsinə görə, səsvermə günü seçki keçirilən ərazidə iş günü hesab olunmur", - cümə günü Trend News-a Mərkəzi Seçki Komissiyasının (MSK) mətbuat xidmətinin rəhbəri Azər Sarıyev bildirib.
Azərbaycanda bələdiyyə seçkisi dekabrın 23-də keçiriləcək. 1718 bələdiyyəyə 15682 bələdiyyə üzvünün seçilməsi nəzərdə tutulur.
Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Azərbaycanda bələdiyyə üzvlüyünə 32 minə yaxın namizəd qeydə alınıb. Bu seçkilərdə həmçinin 18 siyasi partiyanın irəli sürdüyü namizədlər qeydə alınıblar. Ümumilikdə isə namizədlər partiya mənsubiyyətinə görə 30 siyasi partiyanı əhatə edirlər.
Sarıyevin sözlərinə görə, bu məsələ Seçki Məcəlləsi ilə tənzimləndiyindən MSK-nın, yaxud başqa dövlət qurumunun xüsusi qərar qəbul eyməsinə ehtiyac yoxdur./Trend/
| 
