«Azad, Şəffaf, Ədalətli Seçkilər» Koalisiyası (AŞƏS) keçirdiyi «exit-poll»-un son nəticələrini açıqlayıb. Koalisiyadan APA-ya verilən məlumata görə, AŞƏS 57 seçki dairəsinin 488 məntəqəsində “exit-poll” keçirib.

“Azad, Şəffaf, Ədalətli Seçkilər” Koalisiyası prezident seçkilərində keçirdiyi “exit-poll”un nəticələrini açıqlayıb.
Koalisiyadan APA-ya verilən məlumata görə, təşkilat 57 seçki dairəsinin əhatə etdiyi 2000-dək seçki məntəqəsində müşahidə aparıb, o cümlədən 488 məntəqədə “exit-poll” keçirib.

Oktyabrın 15–də Azərbaycanda keçirilmiş prezident seçkilərində hazırkı dövlət başçısı İlham Əliyev qələbə qazanıb. APA-nın məlumatına görə, “Rəy” Monitorinq Mərkəzinin keçirdiyi “exit-poll”-un nəticələrinə əsasən səsvermədə seçicilərin 68%-i iştirak edib. Onlardan 80,5%-i İlham Əliyevə səs verib.

Bu gün «ELS» Müstəqil Araşdırmalar Mərkəzi ilə birgə Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) «Exit-poll» tədqiqatını 2008-ci il 15 oktyabr prezident seçkilərində ölkənin 800 seçki məntəqəsində həyata keçirib. Sorğuda seçki məntəqəsindən səs verib çıxan seçicilər iştirak edib.

«Yerli AVCİYA Qeyri -Hökumət Təşkilatı (QHT) və ELS Müstəqil Araşdırmalar Mərkəzinin apardığı exit-poll-un yerli vaxtla saat 11:00 - a olan nəticələrinə görə, Azərbaycan prezidenti seçkisində seçicilərin fəallığı 20, 2 faiz təşkil edib», - deyə Müstəqil Araşdırmalar Mərkəzinin rəhbəri İradə Yaqubova bildirib.

Azərbaycanda prezident seçkisində 118 seçki dairəsinin 800 məntəqəsində «exit-poll» keçiriləcək. «Məntəqələrdə «exit-poll» tədqiqatının həyata keçirilməsinə 1600 intervüer, 220 supervayzer, 100 telefonçu və eyni sayda kömpüter operatoru cəlb edilib», bu barədə bazar ertəsi Trend News-a «ELS» Müstəqil Araşdırmalar Mərkəzindən məlumat verilib.

“ELS” Müstəqil Araşdırmalar Mərkəzi və Azərbaycanda Vətəndaş Cəmiyyətinin İnkişafına Yardım Assosiyasiyası (AVCİYA) 15 oktyabr prezident seçkisi ilə əlaqədar “exit-poll” və “quik-count” tədqiqatlarını keçirməyə tam hazırdır. Belə ki, tədqiqatın keçirilməsi üçün bütün hazırlıq işləri başa çatdırılıb. “Exit-poll” və “quick-count” tədqiqatı üçün lazım olan bütün sənəd və ləvazimatlar hazırlanaraq tədqiqatın keçiriləcəyi məntəqələrə göndərilib.

“ELS” Müstəqil Araşdırmalar Mərkəzinin Azərbaycanda Vətəndaş Cəmiyyətinin İnkişafına Yardım Assosiasiyası ilə birgə prezident seçkiləri günü keçirəcəyi “Exit-poll” tədqiqatı ilə bağlı treninqlərin birinci mərhələsi başa çatıb. Mərkəzdən verilən məlumata görə, treninqlərin birinci mərhələsində ölkə ərazisində bütün dairə və məntəqələr üzrə keçiriləcək “Exit-poll” tədqiqatında 1600 nəfərdən yuxarı intervüer və 200-ə qədər supervayzerlər iştirak edib. Təlimdə intervüer və supervayzerlərə təlimçilər tərəfindən “Exit-poll” haqqında və tədqiqatın keçirilməsi qaydaları barədə ətraflı məlumat verilib. Həmçinin təlimlərdə iştirakçılara “Exit-poll” zamanı istifadə olunan anket və sorğu vərəqələrinin formaları göstərilib. Məlumatda qeyd olunur ki, treninqlərin birinci mərhələsində keçirilən təlimlərdə təlimçilər ciddi problemlə qarşılaşmayıblar. Bir sıra rayonlarda “Exit-poll” tədqiqatında iştırak edəcək bəzi intervüerlər yaş və xarici görünüş kriteriyalarına cavab vermədiyi üçün ehtiyatda olan intervüerlərlə əvəzlənib. Eyni zamanda təlimlərdə ATƏT-in Bakı ofisinin nümayəndələri iştirak ediblər və onlar treninqin keçirilmə səviyyəsindən razılıqlarını bildiriblər. Bundan başqa treninqlərin birinci mərhələsində keçirilən təlimlərə “ELS” Müstəqil Araşdırmalar Mərkəzinin ekspert qrupu da qatılıb və “Exit-poll”un keçirilmə qaydaları ilə bağlı intervüer və supervayzerlərə tövsiyyələrini verib.

Xatırladaq ki, treninqlərin birinci mərhələsi sentyabrın 22-də başa çatıb. Mərkəzdən verilən məlumata görə, namizədlərin dəqiq siyahısı təsdiqləndikdən sonra sentyarın 27-də treninqlərin ikinci mərhələsinə start veriləcək.

Azərbaycanın Mərkəzi Seçki Komissiyası (MSK) prezident seçkisində «exit-poll» keçirən təşkilatların attestasiyası qaydalarını təsdiq edib.
«Exit-poll» keçirmək istəyən təşkilatlar bu sahədə təcrübəyə və texniki imkanlara malik olmalıdırlar» -MSK- nın cümə günü keçirilən iclasında komissiya sədri Məzahir Pənahov bildirib.

MSK - nın təsdiq etdiyi qaydalara əsasən, «exit-poll» keçirmək istəyən təşkilatlar seçkiyə 20 gün qalmış qeydiyyatdan keçmək üçün MSK-ya müraciət etməlidirlər. Qaydalarda qeyd olunub ki, təşkilatlar öz resursları, texniki imkanları, keçirmək istədikləri«exit-poll»un sayı və yeri ilə bağlı MSK-ya məlumat verməlidirlər. Təşkilatlar «exit-poll» keçirmək sahəsində təcrübələri olmasına dair sübutları da MSK-ya təqdim etməlidirlər.

«Exit-poll» keçirən təşkilatlar MSK- da qeydiyyatdan keçməlidirlər. «Exit-poll»un keçirilməsi çox ciddi məsələdir və burada ehtiyatlı olmalıyıq, «exit-poll»un mənfi nəticələri də ola bilər. Xarici ölkələrdə «exit-poll»un keçirilməsi qaydaları çox sərtdir», - deyə Pənahov əlavə edib.

Qaydalara əsasən, «exit-poll» keçirmək istəyən təşkilat hüquqi şəxs olmalıdır. /Trend/

“Azad, Şəffaf və Ədalətli Seçkilər” Koalisiyası prezident seçkilərinə hazırlıqla bağlı mətbuat konfransı keçirib. APA-nın məlumatına görə, koalisiyanın üzvü, “İntellekt” Araşdırmalar Mərkəzinin rəhbəri Salman Vilayətoğlu qurumun seçki hazırlıqları ilə bağlı məlumat verib. Onun sözlərinə görə, seçkilərlə bağlı koalisiya 50 seçki dairəsində monitorinq keçirmək niyyətindədir. Bu vaxta qədər aparılan monitorinqin nəticələrinə görə, DSK-larda seçkiqabağı vəziyyəti ümumilikdə qənaətbəxş hesab edən S. Vilayətoğlu bəzi problemlərin olduğunu da qeyd edib. Onun sözlərinə görə, koalisiya ötən müddət ərzində 15 seçki dairəsində təxminən 450 müşahidəçi və 60 seçki dairəsində “exit-poll” keçirəcək nümayəndələr üçün təlimlər təşkil edib. Koalisiya “exit-poll”u təxminən 600 seçki məntəqəsində keçirməyi nəzərdə tutub. S. Vilayətoğlu bildirib ki, təlimlər zamanı müşahidəçilərə yaddaş kitabçası, seçki günü ilə bağlı müşahidəçilik vəsiqəsi paylanıb, “exit-poll”çular üçün təlimat və sorğu anketi nəşr edib. O, seçicilər arasında hələ də köhnə sovet pasportunun daşıyıcıları, şəxsiyyət vəsiqəsi almayanlar, müxtəlif səbəblərdən seçici siyahılarına düşməyənlərin olduğunu dilə gətirib.

Vətəndaş Cəmiyyəti Uğrunda Müstəqil Məsləhət və Yardım Mərkəzinin rəhbəri Eldar İsmayılov isə daha çox mətbuatı tənqid edib. Onun sözlərinə görə, koalisiya mətbuatın monitorinqini həyata keçirib və son bir ay ərzində birbaşa seçkilərə həsr olunmuş cəmin 125 məqaləyə rast gəlinib. Mətbuatı əhalini aktivləşdirməməkdə ittiham edən E. İsmayılov onları mövcud problemləri işıqlandırmağa çağırıb. O həmçinin, seçkilərlə bağlı analitik məlumatların olmadığını qeyd gedib: “Qəzetlərdə seçki məsələləri üzrə mütəxəssislər yoxdur. Hansısa şou-biznes xəbəri telekanalların aparıcı mövzusudur, amma seçkilərlə bağlı heç bir reportaja rast gəlinmir”.

Azərbaycanda Regional İnkişaf Mərkəzinin rəhbəri Çingiz İsmayılov da həmkarının fikirlərini davam etdirib və mətbuatı seçkilərə xüsusi diqqət yetirməməkdə qınayıb. Onun sözlərinə görə, mətbuatda yalnız Bakı və Sumqayıtda olan seçki problemləri ilə bağlı yazılara yer verilir: “Amma ucqar rayonlarda seçkilərlə bağlı xeyli problem var. Buna görə də əhali ilə işləməyə onları maarifləndirməyə ehtiyac var”.

Demokratik Seçki Mərkəzinin rəhbəri Qorxmaz İbrahimli də bölgələrdə işləməyin vacib olduğunu qeyd edib. O, QHT koalisiyası olaraq seçkilərin demokratik keçirilməsi üçün mümkün olan bütün addımları atacaqlarını deyib: “Seçkilərin sonunda da nəticəni dərc edib ictimaiyyətə açıqlayacağıq”./APA/

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) oktyabrın 15-də keçiriləcək prezident seçkilərində müşahidə və “exit-poll” həyata keçirəcək.
Bu barədə Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) çərşənbə günü Trend Xəbərlər Şirkətinin Beynəlxalq Mətbuat Mərkəzində keçirdiyi mətbuat konfransında məlumat verib.

“Exit-poll”u “ELS” Müstəqil Araşdırmalar Mərkəzi keçirəcək. Mərkəzin rəhbəri İradə Yaqubova bildirib ki, “exit-poll” 125 dairədə 500 məntəqəni əhatə edəcək.

“Exit-poll” zamanı şəffaf qutulardan istifadə olunacağını deyən Yaqubova seçicilərin anonimliyinin qorunacağını, “exit-poll” məlumatlarının mütəmadi mərkəzi seçki qərargahına ötürüləcəyini və səsvermə başa çatandan sonra, saat 8 radələrində “exit-poll”un nəticələrinin AVCİYA-nın www.azerbaijan-election.net və www.avciya.az saytlarında yerləşdiriləcəyini deyib.

“ELS” Müstəqil Araşdırmalar Mərkəzi həmçinin “Quick-Count” tədqiqatını da aparacaq. Həmin tədqiqat səsvermənin nəticələri ilə “exit-poll”un nəticələrini müqayisə etməyə imkan verəcək. Mərkəz “exit-poll” aparacaq 1000 nəfər intervyüer üçün sabahdan etibarən bütün respublika ərazisində treninqlərə başlayacaq.

AVCİYA-nın Seçki Qərargahının rəhbəri Məhərrəm Zülfüqarlı qurumun beynəlxalq standartlar çərçivəsində müşahidəçilik missiyası aparacağını deyib. Onun sözlərinə görə, qurum ABŞ-ın Respublikaçılar İnstitutu, Milli Demokratiya İnstitutu ilə və digər bir sıra beynəlxalq təşkilatlarla əməkdaşlıq edir. Seçkiləri müşahidəsini aparacaq müşahidəçilər üçün treninq və seminarlar keçirilir və bu iş hazırda da davam etdirilir.

AVCİYA-nın müşahidəçilərinin 5 mindən artıq seçki məntəqəsində müşahidə aparacağını deyən Zülfüqarlı ilkin nəticələrin sentyabrın 16-da açıqlayacaqlarını bildirib.

Oktyabrın 15-də keçiriləcək prezident seçkilərində exit-poll aparacaq Azərbaycan QHT-ləri müəyyənləşib. Trend News-un məlumatına əsasən, exit-poll-u, təqdimatı cümə günü Bakıda keçirilən “Azad, şəffaf, ədalətli seçkilər” Koalisiyası keçirəcək. Koalisiya “Vətəndaş cəmiyyəti uğrunda” QHT, Demokratik Seçki Mərkəzi, Siyasi Texnologiyalar və İnnovasiya Mərkəzi, Azərbaycanın Regional İnkişaf Mərkəzi və “İntellekt” Araşdırmalar Mərkəzi tərəfindən yaradılıb.