Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 2008 – ci il prezident seçkiləri ilə əlaqədar Respublika üzrə fəaliyyət göstərən 5148 məntəqədə müşahidəni təşkil edib. AVCİYA Seçki Qərargahı iyul ayından başlayaraq ölkənin bütün regionlarında, o cümlədən Bakı şəhərinin 11 rayonunda müşahidəçilər üçün treniqlər keçirib.

15 oktyabr 2008-ci ildə keçiriləcək Azərbaycan Respublikası Prezident seçkisinin Uzunmüddətli Müşahidəsinin nəticələrinə dair ARALIQ HESABAT (1 avqust - 10 oktyabr 2008-ci il)
AVCİYA-nın yaradılmasında əsas məqsəd Assosiasiyaya daxil olan qeyri-hökumət təşkilatlarının və üçüncü sektorun digər nümayəndələrinin fəaliyyətinin əlaqələndirilməsi vasitəsi ilə ölkədə vətəndaş cəmiyyətinin yaradılması prosesinə yardım göstərməkdir. Assosiasiyaya daxil olan QHT-lər ixtisaslaşdıqları sahələrdə mövcud olan problemlərə cəmiyyətin diqqətini cəlb etməyi, vətəndaşların onların həllində iştirakını, bu sahələrdə gedən proseslərin maksimal şəffaflığına nail olmağı öz qarşılarına məqsəd qoyublar.