Prezidentliyə namizəd, Azərbaycan Liberal Demokrat Partiyasının sədri Fuad Əliyevin seçki platforması

Prezidentin ilk sərəncamı əhalinin sovet banklarında qalan əmanətlərinin 2009-cu ilin ilk yarısında geri gaytarmaqla bağlı olacaq.

Ölkədə əhalinin bütün sferalarda sosial rifahını yaxşılaşdıran liberal-demokratik reformalar həyata kecirmək.

Əhalini düşündürən bir sıra problemlərlə xüsusilə də Azərbaycanın fundamental idarəçiliyi ilə bağlı konstitusiyada dəyişikliklərin edilməsi üçün referendumlar kecirmək. Əsas referendum prezident səlahiyyətlərinin 5 ildən 4 ilədək azaldılması və qanunvericilik bazasının gücləndirilməsi ilə bağlı olacaq.

Ölkədə Parlament-prezident respublikası yaratmaq, parlament və hökumətin səlahiyyətlərini artırmaq.

Parlament seçkiləri 100% proporsional seçki sistemi ilə keçiriləcək.

Dağlıq Qarabağ problemini yalnız sülh yolu ilə həll etmək.

Güclü və professionallardan ibarət mobil ordu formalaşdırmaq. Orduda yalnız müqavilə əsasında professionallar xidmət etməlidir.

Azərbaycan ordusunda calışanların sosial rifahını yaxşılaşdırmaq məqsədilə onların maaşlarını artırmaq.

Sərhəd bölgələrində orta məktəbdə hərbi hazırlıq kursu belə keçməyənlər yox, təcrübəli hərbi kadrlar yerləşdirilməlidir və onların maaşları 1500 manata catdırılmalıdır.

Rus dilinə konstitusiya cərcivəsində dövlət dili statusunu vermək.

Avropa İttifaqı və Şanxay Əməkdaşlıq Təşkilatına, Dünya Ticarət Təşkilatına üzv olmaq.

Azərbaycanın Avropaya inteqrasiyası ilə bağlı xüsusi nazirlik yaradılmalıdır ki, bu istiqamətdə iş aparsın.

Azərbaycanın rəsmi olaraq neytral statusunu elan etmək, NATO və MDB Kollektiv Təhlükəsizlik Şurasından imtina etmək

Səhiyyə və təhsil sahələrində təcili antikorrupsiya reformalarını həyata keçirmək. Tibb və təhsil işçilərinin maaşları artırılmalıdır.

Sovet təhsil ənənəsini Azərbaycanın təhsil sistemində bərpa etmək. Hansı ki, bu sistem 1985-ci ilə qədər dünyanın ən yaxşı təhsil sistemi sayılıb.

Hüquq-mühafizə orqanlarında kadr islahatları aparmaq, daha cox savadlı gənclərə üstünlük vermək.

Korrupsiyaya qarşı mübarizə metodlarından biri olan “Elektron hökumət” formalaşdırmaq.

Bakıda və Azərbaycanın digər qədim şəhərlərində coxmərtəbəli binaların tikintisinin qarşısını almaq.

Bu kimi məqsədlər ücün yaşıllıqları və ağacları məhv edənlər məsuliyyətə cəlb olunmalıdılar.

Bütün sahələrdə vergiləri tədricən azaltmaq.

Antikorrupsiya islahatarını gücləndirmək.

Un və un məmulatlarının istehsal və satışını dövlətin nəzarətində saxlamaq.

Əhaliyə verilən enerjinin qiymətlərinin 2009-cu ilin yanvarında planlaşdırılan artımından imtina etmək.

İnfilyasiyaya uyğun olaraq 2009-cu ilin yanvarından maaşların, təqaüdlərin, pensiya və müavinətlərin məbləğini minumum 280-300 manatadək artırmaq.

Şirkət və kiçik müəssisələrin qeydiyyatı məsələlərini sadələşdirmək, 1 saat ərzində onların qeydiyyatını təmin etmək.

Məmur özbaşnalığına son qoymaq üçün dövlət səviyyəsində iş aparmaq.