Əziz seçici!

Oktyabr ayının 15-də ölkəmizdə növbəti prezident seçkiləri keçiriləcəkdir. Sədri olduğum Yeni Azərbaycan Partiyası həmin seçkilərdə iştirak etmək üçün mənim namizədliyimi irəli sürmüşdür.

2003-cü ilin prezident seçkilərindən ötən beş il ölkəmizin həyatında mühüm tarixi hadisələrlə zəngin oldu, daxili və xarici siyasətdə, ictimai həyatın bütün sahələrində böyük nailiyyətlərlə yadda qaldı. Bu dövrdə ümummilli lider Heydər Əliyevin siyasi kursu uğurla davam etdirildi. Birgə səylərimiz nəticəsində davamlı sosial-iqtisadi inkişafa nail olduq. Beynəlxalq aləmdə Azərbaycanın nüfuzu daha da artdı. Ölkəmiz regionun lider dövləti olaraq, strateji məsələlərin həllində müstəqil və prinsipial mövqeyini ardıcıllıqla nümayiş etdirdi. Dünyanın aparıcı dövlətləri enerji təhlükəsizliyi siyasətinin istiqamətlərini müəyyənləşdirərkən Azərbaycanla strateji əməkdaşlığa önəm verdilər.

Fazil Qəzənfəroğlunun Seçki Platformasının əsas tezisləri

1. Neft dövlətindən rifah dövlətinə
Ən yaxşı dövlət ən az müdaxilə edən dövlətdir
Dövlətin idarəetmə formasında dəyişiklik zərurətdir.
2. Seçki sistemində radikal dəyişiklik
Ədalət mühakiməsi ədalətin mühakiməsi olmamalıdır.
3. Balanslı xarici siyasət
4. Qarabağa qansız-qadasız dönüşü görəcəksiniz.
5. Azərbaycanın bütövlüyünün yolu təkamüldən keçir.

İqbal Ağazadənin sosial-iqtisadi platforma tezisləri

 Büdcə-vergi siyasəti
 Maliyyə-kredit siyasəti
 Sahibkarlığın inkişafı siyasəti
 İnvestisiya siyasəti
 Gömrük və xarici ticarət siyasəti
 Yoxsulluğun azaldılması siyasəti
 Aqrar siyasət
 Neft və qaz gəlirlərindən istifadə siyasəti
 Antikorrupsiya siyasəti
 Məşğulluğun təmin olunması və işsizlik
 Demoqrafik siyasət

Prezidentliyə namizəd, Azərbaycan Liberal Demokrat Partiyasının sədri Fuad Əliyevin seçki platforması
Prezidentin ilk sərəncamı əhalinin sovet banklarında qalan əmanətlərinin 2009-cu ilin ilk yarısında geri gaytarmaqla bağlı olacaq.
Ölkədə əhalinin bütün sferalarda sosial rifahını yaxşılaşdıran liberal-demokratik reformalar həyata kecirmək.
Əhalini düşündürən bir sıra problemlərlə xüsusilə də Azərbaycanın fundamental idarəçiliyi ilə bağlı konstitusiyada dəyişikliklərin edilməsi üçün referendumlar kecirmək.

Bütöv Azərbaycan Xalq Cəbhəsi partiyasından Azərbaycan Respublikasının Prezidentliyinə namizəd Qüdrət Müzəffər oğlu Həsənquliyevin seçki platformasının əsas istiqamətləri

Dövlət quruculuğu sahəsində:

1. Azərbaycanın ikiyə bölündüyünün nümayiş etdirilməsi, tarixi ədalətin bərpası və bir millət kimi bütövlüyümüzün ifadə olunması üçün Azərbaycan Respublikasının Şimali Azərbaycan Respublikası adlandırılması;

2. BAXCP sədrinin prezident seçiləcəyi təqdirdə bir il ərzində ölkədə Konstitusiya islahatlarının aparılması və yalniz bundan sonra növbəti seçkilərin keçirilməsi;