Bu layihə Azərbaycanda Vətəndaş Cəmiyyətinin İnkişafına Yardım Assosiasiyası tərəfindən yaradılıb.

MSK xəbərləri

Qanunvericilik

İTV Prezident seçkiləri üçün ödənişli təşviqat qiymətlərini açıqlayıb

İctimai Televiziya və Radio Yayımları Şirkəti (İTV) aprelin 11-nə təyin edilən Prezident seçkilərində ödənişli seçkiqabağı təşviqat aparılması üçün qiymətləri açıqlayıb.

 

“Report”un xəbərinə görə, İctimai Televiziyada prezidentliyə qeydə alınan namizədlərin və ya onların səlahiyyətli nümayəndələrinin çıxışının saniyəsi minimum 20 manatdır. Çıxışın saniyəsinin maksimum qiyməti isə 50 manat müəyyən edilib.

İctimai radioda isə çıxışın bir saniyəsi üçün minimum 7, maksimum 25 manat ödəmək lazımdır.

Ödənişli təşviqata qoşulan namizədlər günün müxtəlif saatlarında İTV və İctimai radioda çıxış edə bilərlər.

Xatırladaq ki, İctimai Televiziya və Radio Yayımları Şirkəti prezidentliyə qeydə alınan namizədlərə həm də ödənişsiz efir vaxtı ayıracaq.

Qeyd edək ki, seçkiqabağı təşviqat martın 19-da başlayır.

 

https://report.az/prezident-seckileri-2018/i-tv-prezident-seckileri-ucun-odenisli-tesviqat-qiymetlerini-aciqlayib

1905.az STUDIO
info@azerbaijan-election.net