|
PRESS – RELIZ
22.05.2009
AZƏRBAYCAN RESPUBLİKASINDA KEÇİRİLƏCƏK BƏLƏDİYYƏ SEÇKİLƏRİ İLƏ ƏLAQƏDAR Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) “ SEÇKİ MƏCƏLLƏSİ”NƏ DƏYİŞİKLİKLƏRLƏ BAĞLI
TƏKLİFLƏR PAKETİ
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 2009 – cu il bələdiyyə seçkiləri ərəfəsi “Seçki Məcəlləsi”nin eksperizasını keçirərək ayda bir dəfə olmaqla silsilə tədbirlər keçirməklə təkliflər paketini ictimaiyyətə təqdim etməyi qərara alıb. Assosiasiya 22 may 2009 – cu il tarixdə keçidiyi tədbirdə “Seçki Məcəlləsi”nə dəyişikliklərlə bağlı birinci sənədini təqdim edir.
I Sənəd
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 2009 – cu il bələdiyyə seçkiləri ərəfəsi “Seçki Məcəlləsi”nin eksperizasını keçirərək ilk olaraq ən çox müzakirə predmeti olan 24, 30 və 36 - cı maddələrə dəyişikliklərlə bağlı aşağıdakı təklifləri irəli sürür: (təklif olunan dəyişiklər qara şiriflərlə verilir)
DÖRDÜNCÜ FƏSİL
MƏRKƏZİ SEÇKİ KOMİSSİYASI
Maddə 24. Mərkəzi Seçki Komissiyasının yaradılması qaydası
24.2. Mərkəzi Seçki Komissiyasının üzvləri xüsusi test imtahanlarında müsbət nəticə qazanmış şəxlər sırasından mühasibə yolu ilə müəyyənləşdirilir və Milli Məclis tərəfindən seçilir.
24.3. Mərkəzi Seçki Komissiyası azı son 5 ildə heç bir patiyanın üzvü olmayan Azərbaycan Respublikası vətəndaşlarından təşkil olunur;
24.4. Mərkəzi Seçki Komissiyasının üzvləri seçkilər sahəsində böyük təcrübəyə malik olmalıdırlar;
Maddə 30. Dairə seçki komissiyalarının təşkili
30.2. Dairə seçki komissiyası 9 üzvdən ibarətdir. Dairə seçki komissiyasının üzvləri xüsusi test imtahanlarında müvəffəqiyyət qazanmış şəxslər arasından müsahibə yolu ilə seçilərək Mərkəzi Seçki Komissiyası tərəfindən təyin edilirlər.
30.3. Dairə seçki komissiyası azı son 5 ildə heç bir patiyanın üzvü olmayan seçki dairəsinin ərazisində daimi yaşayan Azərbaycan Respublikası vətəndaşlarından təşkil olunur;
Maddə 36. Məntəqə seçki komissiyalarının təşkili
36.2. Məntəqə seçki komissiyası azı son 5 ildə heç bir patiyanın üzvü olmayan şəxslərdən təşkil olunur. Həmin namizədlər müvafiq seçki məntəqəsinin ərazisində daimi yaşayan Azərbaycan Respublikası vətəndaşları olmalıdırlar.
36.3. Məntəqə seçki komissiyasının üzvləri onların müstəqil fəaliyyətinə maneə olan hər hansı dövlət vəzifəsi tuta bilməzlər. Məntəqə seçki komissiyasının heç bir üzvü bələdiyyə qulluğunda ola bilməz.
36.7. Bu Məcəllənin 35.4 və 35.5-ci maddələrində göstərilən hallarda seçicilərin sayı 100-dən az olan və 50-dən çox olan və yolu çətin keçilən yerlərdə yerləşən seçki məntəqələrində məntəqə seçki komissiyası seçicilərin ümumi yığıncağında gizli səsvermə yolu ilə seçilir. Bu halda məntəqə seçki komissiyasının tərkibi dairə seçki komissiyası tərəfindən səlahiyyətli hesab olunur. Təkliflər paketi haqqında ətraflı məlumatı http://www.avciya.az; http://www.azerbaijan-election.net saytlarından əldə edə bilərsiniz.
Tel.: AVCİYA Mətbuat Xidməti – 4362420, 0502212814
AVCİYA Seçki Qərargahı – 4362720, 0503241925
AVCİYA MƏTBUAT XİDMƏTİ
| 
