Azərbaycan prezidenti İlham Əliyev oktyabrın 16-da İran seçki müşahidə missiyasının rəhbəri Əhəd Qəzainin başçılıq etdiyi nümayəndə heyətini qəbul edib.

Azərbaycanda keçirilən prezident seçkisi ilə bağlı protokolların 99,8 faizi hesablanıb. «Bu gün saat 11-ə qədər ölkə üzrə 5359 məntəqənin 99,8 faizindən, yəni 5348 məntəqədən protokollar Mərkəzi Seçki Komissiyasına daxil olub», - bu barədə cümə günü Trend News-a «Seçkilər» İnformasiya Mərkəzindən məlumat verilib.

Azərbaycanın iqtidaryönlü Demokratik Azərbaycan Dünyası Partiyası (DADP) prezident seçkisində apardığı müşahidənin nəticələri ilə bağlı açıqlama verib.

Avropa Şurasının Nazirlər Komitəsi (AŞ NK) Azərbaycanda seçki sisteminin təkmilləşdirilməsini alqışlayır.
«Mən Azərbaycanda prezident seçkisinin bütövlükdə sakit və dinc şəraitdə keçdiyini qeyd etməyə şadam və biz ölkədə seçki sisteminin təkmilləşdirilməsini alqışlayırıq», - deyə AŞ NK sədri, İsveçin xarici işlər naziri Karl Bildtin bəyanatında bildirilir.

Buş administrasiyası Azərbaycan xalqını ölkədə keçirilmiş prezident seçkiləri münasibəti ilə təbrik edir. Bunu Vaşinqtonda jurnalistlər üçün keçirilən brifinqdə ABŞ Dövlət departamentinin mətbuat xidmətinin rəhbəri Şon Makkormak deyib.

Azərbaycanda keçirilən prezident seçkisini boykot edən siyasi təşkilatlar paytaxtın mərkəzində icazəsiz etiraz aksiyası keçirməkdən imtina ediblər.
«Müxalifətin Əməkdaşlıq Mərkəzinin oktyabrın 18-də paytaxtın mərkəzi meydanlarından birində keçirmək istədiyi etiraz aksiyası təxirə salınıb», bu barədə cümə günü Trend News-a Müxalifətin Əməkdaşlıq Mərkəzində təmsil olunan Vətəndaş və İnkişaf Partiyasının sədri Əli Əliyev məlumat verib.

Azərbaycanın eks-prezidenti Ayaz Mütəllibov 1991-ci il oktyabrın 18-də parlamentdə Azərbaycanın dövlət müstəqilliyi haqqında Konstitusiya aktının qəbulunun əleyhinə olmadığını bildirib.

Azərbaycan parlamentinin Regional məsələlər daimi komissiyası ölkə bələdiyyələrinin tabeçiliyində olan torpaqlarda vətəndaşların fərdi evlər tikməsinə icazə verən qanuna dəyişiklik edib.

Azərbaycanın prezident seçkisində namizədi ilə iştirak etməyən Ədalət Partiyası seçkinin nəticələrini tanıyaraq, hakim partiyanın namizədi İlham Əliyevi qələbə münasibətilə təbrik edib.

Ölkədəki prezident seçkisini izləyən Azərbaycanın Demokratik İslahatlar Partiyasının (DİP) müşahidəçiləri onun əvvəlki seçkilərə nisbətən müsbət fərqini qeyd edirlər.
“Seçki, əsasən, ATƏT və Avropa Şurasının öhdəlik və standartlarına, eləcə də Azərbaycan Respublikasının qanunvericiliyinə uyğun şəkildə keçirilib”, - cümə günü DİP - in prezident seçkisi ilə bağlı qəbul etdiyi bəyanatda qeyd olunub.

Azərbaycanın müxalifət partiyalarının yaratdığı Demokratiya Uğrunda İttifaqın (DUİ) gələcəkdə seçki blokuna çevrilməsi nəzərdə tutulmur.
«İttifaqın genişlənməsi gündəmdədir və bu istiqamətdə müzakirələr aparılır.

Azərbaycanda 2008-ci ilin seçkiqabağı kampaniyası ərəfəsində siyasi iştirakçıların fəaliyyətinin mediada işıqlandırılması üzrə aparılan monitorinqinin yekun hesabatı açıqlanıb. “Azad və ədalətli seçkilərə yardım” proqramı çərçivəsində Avropa Şurası ilə Avropa Komissiyası tərəfindən dəstəklənən layihəni Azərbaycan Yeni Nəsil Jurnalistlər Birliyi həyata keçirib.