Bu gün Heydər Əliyev Sarayında yenidən Azərbaycan prezidenti seçilmiş İlham Əliyevin andiçmə mərasimi keçirilib.
APA-nın məlumatına görə, mərasim fəxri qarovulun düzülməsi ilə başlayıb. Daha sonra zala Azərbaycanın dövlət bayrağı və Azərbaycan prezidentinin ştandartı gətirilib. Bundan sonra Konstitusiya Məhkəməsinin hakimləri dəvət olunub.

Azərbaycan Mərkəzi Seçki Komissiyası (MSK) oktyabrın 15-də keçirilmiş prezident seçkiləri ilə bağlı oktyabrın 21-də Fransanın Bakıdakı Səfirliyi tərəfindən Avropa İttifaqının Prezidentliyi adından yaydığı bəyanata cavab olaraq bəyanatla çıxış edib.

Azərbaycanın müxalifət düşərgəsini birləşdirən vahid koordinasiya mərkəzinin yaradılmasına ciddi ehtiyac var, - «Azərbaycan Naminə» İctimai Forumun rəhbəri Eldar Namazov hesab edir.

«Yeni yaranacaq quruma siyasi partiyalar, ictimai təşkilatlar və qeyri - hökumət sektorunda çalışan tanınmış adamlar cəlb olunmalıdırlar», - cümə axşamı TrendNews - a Müxalifətin Əməkdaşlıq Mərkəzinə daxil olan «Azərbaycan Naminə» İctimai Forumun rəhbəri Eldar Namazov bildirib.

Azərbaycan müxalifətinin yol verdiyi əsas səhv - öz siyasətini xarici dəstək üzərində qurmasıdır.
«Müxalifətin əsas səhvi xarici faktora həddindən artıq çox aludə olması və indiyə qədər həyata keçirdiyi bütün siyasətini bu amil üzərində qurması ilə bağlıdır», - bu barədə cümə axşamı Trend News-a Azərbaycan müxalifətini təmsil edən sağ-mərkəzçi Müsavat Partiyasının üzvü, «Yeni Müsavat» qəzetinin baş redaktoru Rauf Arifoğlu bildirib.

Azərbaycanın müxalif Demokrat Partiyası bəzi müxalifət partiyalarını prezident seçkisinin nəticələrini tanımağa çağırıb.
«Bizim keçmiş təcrübəmizdən də göründüyü kimi, müxalifətin radikallığı Azərbaycanda demokratikləşməyə kömək etmir, əksinə ziyan vurur», - cümə axşamı ADP sədri Sərdar Cəlaloğlu Trend News-a bildirib.

Azərbaycan Mərkəzi Seçki Komissiyasının (MSK) sədri ATƏT-in Demokratik İnstitutlar və İnsan Haqları Bürosunun (DİİHB) ölkədə keçirilən prezident seçkisinin yekunu üzrə hesabatında əks olunan bəzi məqamlarla bağlı narazılığını bildirib.

Prezidentliyə keçmiş namizəd Qulamhüseyn Əlibəyli ATƏT-in Azərbaycandakı prezident seçkilərini müşahidə missiyasının rəhbəri Boris Frleslə görüşüb. Q. Əlibəyli APA-ya bildirib ki, görüşdə prezident seçkilərinin nəticələri, səsvermə prosesi, səslərin sayılması və digər məsələlər müzakirə mövzusu olub.

Bakı Dövlət Universitetinin rektoru, millət vəkili, YAP Siyasi Şurasının üzvü Abel Məhərrəmov Azərbaycanın müxalifət partiyalarını İlham Əliyevi dəstəkləməyə çağırıb. A. Məhərrəmov APA-ya açıqlamasında bildirib ki, prezident seçkilərindən əvvəl də o belə bir çağırış səsləndirib və bəzi müxalifətçilər seçki ərəfəsində hakimiyyəti dəstəkləyiblər.

Avropa Şurası Parlament Assambleyasının 2009-cu ilin yanvarında keçiriləcək sessiyasında Azərbaycanda keçirilmiş prezident seçkiləri ilə bağlı müzakirələr aparılacaq.

Azərbaycanın üç müxalifət partiyasının birləşdiyi «Azadlıq» bloku fəaliyyətini dayandırmaq niyyətində deyil.
«Prezident seçkisini boykot edən Müxalifətin Əməkdaşlıq Mərkəzində «Azadlıq» blokundakı kimi formalaşmış münasibət, qarşılıqlı etimad yoxdur», - çərşənbə günü TrendNews - a Vətəndaş və İnkişaf Partiyasının (VİP) sədri Əli Əliyev bildirib.

Azərbaycan Demokrat Partiyasının müxalifətin geniş koalisiyasının yaradılması üzrə apardığı gizli danışıqların qaranlıq məqamları açılıb.
«Azərbaycan müxalifətinin daha geniş çərçivədə əməkdaşlığı ideyasını hamıdan qabaq biz vermişik.

RBK - nın verdiyi xəbərə görə, Rusiya Federasiyasının (MSK) sədri Vladimir Çurov 2008 - ci il oktyabrın 15- də Azərbaycanda keçirilən prezident seçkisində istifadə olunan texniki yeniliyin diqqətlə öyrənilməsini təklif edir.
O, jurnalistlərə bu seçkidə iştirak etdiyini bildirib və bir yeniliyi - Azərbaycanda seçki məntəqələrinin prosesi canlı yayımlayan veb - kameralarla təchiz edildiyini qeyd edib.